Бүгд Найрамдах Ардчилсан Конго Улсын хөлбөмбөгийн шигшээ баг 2026 оны дэлхийн аварга шалгаруулах тэмцээнд оролцохоор АНУ-д нэвтрэх зөвшөөрөл авчээ. Энэ талаар AFP агентлаг мэдээлсэн байна.
Эх сурвалжийн мэдээлснээр, Конгын шигшээ Хьюстоны нисэх онгоцны буудалд цагаачлалын хяналт шалгалтаар ороход ямар нэг хүндрэл гараагүй байна.
Үүнээс өмнө Конгод Эбола вирусийн дэгдэлт бүртгэгдсэнтэй холбоотойгоор тус улсын шигшээ багт АНУ-ын нутаг дэвсгэрт нэвтрэхээс өмнө 21 хоногийн хорио цээр тогтоосон байв. Хорио цээрийн хугацаа дууссаны дараа багийг тэмцээнд оролцохоор хилээр нэвтрүүлжээ.
ДАШТ-ий хэсгийн тоглолтууд
2026 оны ДАШТ-ий хэсгийн шатанд Конгын шигшээ Португал, Колумб, Узбекистаны багуудтай тоглоно. Тэдний тоглолтын хуваарь дараах байдлаар байна.
- 6-р сарын 17 — Португалтай
- 6-р сарын 24 — Колумбтай
- 6-р сарын 28 — Узбекистантай
Энэ удаагийн дэлхийн аваргад нийт 48 шигшээ баг оролцож байгаа бөгөөд тэднийг дөрвөн багтай 12 хэсэгт хуваасан. Зохион байгуулагч АНУ, Канад, Мексик автоматаар оролцох эрх авсан бол бусад багууд сонгон шалгаруулалтаар тэмцээнд оролцох эрхээ авсан байна.
