Чөлөөт болон сонгомол бөхийн дэлхийн чансааны оноо олгох нэр хүндтэй олон улсын цуврал тэмцээн зургаадугаар сарын 3-наас 7-ны өдрүүдэд Улаанбаатар хотноо амжилттай зохион байгуулагдаж өндөрлөлөө. Энэ удаагийн тэмцээнд дэлхийн 23 орны 297 шилдэг тамирчин хуран цугларч, нийт 30 багц алтан медалийн төлөө ур чадвар, эр бяраа сорин өрсөлдсөн юм. Олон улсын шилдэг бөхчүүдээс бүрдсэн тус барилдаанууд ийнхүү дэлхийн бөхийн хорхойтнуудын анхаарлын төвд сонирхолтой өрнөв.
Олон улсын хэмжээнд тамирчдын чансааг тогтооход эл тэмцээн жин ихтэй бөгөөд түрүүлсэн бөх 8000 оноог өөрийн нэр дээр авах журамтай. Мөн үзүүрлэсэн тамирчинд 6400 оноо, гуравдугаар байрт 5200 оноо олгосон бол ганц хүрэл медальтай жингийн дөрөвдүгээр байрт 4640 оноо, харин тавдугаар байрт шалгарсан бөхчүүдийг 4000 оноогоор тус тус урамшуулжээ.
Жин тус бүрийн медалийн нэгдсэн дүн
Эмэгтэйчүүдийн чөлөөт бөхийн барилдаанд БНАСАУ болон Энэтхэгийн баг тамирчид хөнгөн жингүүдэд илүүрхсэн бол Монгол Улсын баг дунд болон хүнд жинд медалийн тоогоо амжилттай ахиуллаа. Жин тус бүрийн шагналын тавцанд гарсан бөхчүүдийг багцлан танилцуулж байна.
- 50 кг: 1. Сон Ким (БНАСАУ), 2. Анкьюи Бао (Хятад), 3. Ниилам Ниилам (Энэтхэг), Мию Накамүра (Япон)
- 53 кг: 1. Кюонг Ох (БНАСАУ), 2. Мое Кийоока (Япон), 3. Кристианах Огунсаня (Нигер), Андрееа Ана (Румын)
- 55 кг: 1. Хьогьонг Чое (БНАСАУ), 2. Нацүми Масүда (Япон), 3. Туба Демир (Турк), Хансика Ламба (Энэтхэг)
- 57 кг: 1. Маниша Маниша (Энэтхэг), 2. Ил Сон (БНАСАУ), 3. Нилуфар Раимова (Казахстан), Эльвира Сулейман (Турк)
- 59 кг: 1. Неха Неха (Энэтхэг), 2. Пьол Хонг (БНАСАУ), 3. Х.Болортуяа (Монгол)
- 62 кг: 1. Ок Ким (БНАСАУ), 2. Биляна Дудова (Болгар), 3. Манси Манси (Энэтхэг), Езер Колаволе (Нигер)
- 65 кг: 1. Хьон Мун (БНАСАУ), 2. Шуай Жанг (Хятад), 3. Т.Энхжин (Монгол)
- 68 кг: 1. Э.Дэлгэрмаа (Монгол), 2. Елизавета Петлякова (ОХУ), 3. Катерина Зеленых (Румын), Несрин Баш (Турк)
- 72 кг: 1. Виктория Чолуж (Польш), 2. З.Болортунгалаг (Монгол), 3. Э.Одгэрэл (Монгол)
- 76 кг: 1. Кажал Кажал (Энэтхэг), 2. Дамола Ожо (Нигер), 3. Прия Прия (Энэтхэг), Эльмира Садзыкова (Казахстан)
