“PGL Bucharest 2026” тэмцээний хэсгийн шатны шийдвэрлэх тоглолтууд үргэлжилж байна. Өнөөдөр буюу 4 дүгээр сарын 7-нд Монголын “The MongolZ” баг АНУ-ын “Wildcard Gaming” багийг 2:0 харьцаатайгаар (Dust 2 13:11, Nuke 13:8) төвөггүйхэн хожлоо.
“Best-of-3” форматаар явагдсан энэхүү тоглолтод ялалт байгуулснаар манай баг тэмцээний үндсэн шат буюу плей-оффд өрсөлдөх эрхээ албан ёсоор баталгаажууллаа. Харин “Wildcard” баг хэсгийн шатыг 2-2 гэсэн амжилттай үргэлжлүүлж, дараагийн шатанд шалгарах сүүлчийн боломжоо ашиглахаар үлдэв.
Багуудын бүрэлдэхүүн:
The MongolZ:
- Анарбилэг “cobrazera” Ууганбаяр
- Аюуш “mzinho” Батболд
- Өсөхбаяр “910” Банзрагч
- Гарьдмагнай “bLitz” Бямбасүрэн
- Содбаяр “Techno” Мөнхболд
Wildcard Gaming:
- Неманья “nEMANHA” Дукич
- Жексон “Peeping” Корнвелл
- Итан “reck” Серрано
- Милош “mhL” Кнасяк
- Жейдан “HexT” Постма
“PGL Bucharest 2026” тэмцээн 4 дүгээр сарын 4-нөөс 11-ний хооронд Румын улсын Бухарест хотод зохион байгуулагдаж байна. Нийт 16 баг уригдан ирснээс шилдэг 8 нь плей-оффын шатанд шалгарах учиртай. Тэмцээний шигшээ тоглолт “best-of-5” форматаар явагдах бол бусад бүх тоглолтууд “best-of-3” системээр явагдаж байна.
