Казахстаны нийслэлд болох “PGL Astana 2026” тэмцээний Ази тивийн эрхийн төлөөх шийдвэрлэх тоглолтууд өнөөдөр өндөрлөж, Монголын “The Huns” баг тод ялалт байгууллаа. Тэд бүс бүсээс шалгарсан шилдэгүүдтэй өрсөлдөж, эцсийн дүндээ үндсэн тэмцээнд оролцох үнэ цэнтэй боломжийг атгаж чадсан юм.
Шалгаруулалтын явцад багууд VRS оноогоор эрэмбэлэгдсэн бөгөөд “The Huns” баг чансаагаараа тэргүүлж, эхний шатанд гоц мөргөсөн байна. Харин нөгөө талд Узбекистаны “DEPO” баг Австралийн “Ground Zero Gaming”-ийг буулган авснаар Монгол багтай шийдвэрлэх тулаан хийхээр үлдсэн юм.
Хоёр баг цорын ганц эрхийн төлөө “Best of 5” зарчмаар хүч үзэхээр товлосон ч “The Huns” баг өрсөлдөгчдөө ямар ч боломж олголгүйгээр 3:0-ээр илүүрхлээ. Тоглолтын үр дүнгүүдийг дэлгэрэнгүй дурдвал:
- Mirage: 13:9 харьцаатайгаар эхний хожлоо авсан.
- Inferno: 13:4-өөр илт давуу байдлаар ялалт байгуулсан.
- Dust2: 13:9-өөр тоглолтыг эцэслэн цэг тавьсан байна.
Ийнхүү ирэх тавдугаар сарын 7-нд эхлэх “PGL Astana 2026” тэмцээнд Монгол Улсаас “The Mongolz” болон “The Huns” гэсэн хоёр хүчирхэг баг эх орноо төлөөлөн оролцохоор боллоо. Манай баг тамирчид Азийн бүсийн чансааг өнгөлж, дэлхийн тайзнаа дахин нэг удаа өөрсдийн чадварыг батлан харуулахаар зэхэж байна.
