Хөдөлмөр, халамжийн үйлчилгээний ерөнхий газраас 2026 оны гуравдугаар сард олгох нийгмийн халамжийн тэтгэвэр, тэтгэмж, тусламж болон хөнгөлөлтийн нэгдсэн хуваарийг олон нийтэд мэдээллээ. Энэхүү хуваарийн дагуу хүүхдийн мөнгө болон бусад халамжийн олголтууд тодорхой өдрүүдэд иргэдийн дансанд орох юм.
Гуравдугаар сарын олголтын хуваарийг төрлөөр нь ангилбал:
- Хүүхэд болон өрх толгойлсон эцэг эхчүүдэд: Хүүхдийн мөнгөн тэтгэмж болон олон хүүхэдтэй өрх толгойлсон эх, эцэгт олгох тэтгэмжийг энэ сарын 19-ний өдөр олгоно.
- Сар бүр тогтмол олгогддог тэтгэмжүүд: Нийгмийн халамжийн тэтгэвэр, асаргааны тэтгэмж, амьжиргааг дэмжих мөнгөн тэтгэмж зэргийг 12 болон 25-ны өдрүүдэд хоёр хуваан олгохоор төлөвлөжээ.
- Ахмад настан болон хөгжлийн бэрхшээлтэй иргэдэд: Ахмад настан, хөгжлийн бэрхшээлтэй иргэдэд олгох дэмжлэг, тусламж болон алдар цолтой ахмадуудын хөнгөлөлтийг мөн 12 болон 25-ны өдрүүдэд олгоно.
- Сард нэг удаа олгох халамжийн үйлчилгээ: Хүнс тэжээлийн дэмжлэгийг сарын 12-нд, харин насны хишиг, эхийн алдар одонгийн тусламж, онцгой тохиолдлын тэтгэмж зэргийг 25-ны өдөр тус тус олгох юм.
Мөн нийтийн тээврийн үйлчилгээнд стандартыг нэгтгэх үүднээс зарим чиглэлийн дугаарлалтад өөрчлөлт орсон бөгөөд нийт 11 чиглэлийн нэршлийн эхний үсгийг сольж, иргэдэд илүү ойлгомжтой болгожээ. Жишээлбэл, “Нарангийн гол-5 шар” чиглэлийн Ү:19 дугаар Ч:14 болон өөрчлөгдсөн бол “Ургах наран хороолол-Офицеруудын ордон” чиглэлийн Ү:24 дугаар Ч:83 болж шинэчлэгдсэн байна.
