Румынд болсон PGL Cluj-Napoca 2026 өндөрлөж, The MongolZ дэлхийн түвшний тавцанд өрсөлдөх чадвараа дахин нотоллоо. Багийн гол мэргэн буудагч 910 (Б.Усухбаяр) тэмцээний EVP жагсаалтад нэрлэгдэж, харин cobrazera (У.Анарбилэг) тогтвортой статистикаараа “онцлох тоглогч” хэмээх хүндэт дурдлагад багтав.
910: Шинэ үеийн “star” тоглогчийн баталгаа
910 тэмцээний турш өөрийн тоглосон мапуудын 42 хувьд 1.30-аас дээш рейтинг үзүүлж, багийн амжилтын гол хөдөлгөгч болж харагдсан байна. Ялалт байгуулсан мапууд дээрээ дунджаар 1.40 рейтингтэй байсан бөгөөд FURIA-ийн эсрэг Mirage дээр 2.00 хүрсэн нь тэмцээний тод мөчүүдийн нэгээр нэрлэгдэв.
Тэрээр бүрэлдэхүүний өөрчлөлтийн дараах “хоосон зай”-г амжилттай нөхөж, нийт дүнгээр тэмцээний шилдэг 8 дахь тоглогчоор нэрлэгдэн EVP шагнал хүртлээ. Хэдий Vitality-тай хийсэн гол тоглолтуудад үзүүлэлт нь буурсан ч өндөр оргилтой тоглолтууд нь түүнийг шилдэгүүдийн эгнээнд оруулсан байна.
cobrazera: Ирээдүйгээ харуулсан тогтвортой өсөлт
Залуу тоглогч cobrazera тэмцээний турш тогтвортой байдлаараа ялгарчээ. Түүний ялсан мапууд дахь дундаж рейтинг 1.45 байсан нь бүр 910-ийн дундажтай харьцуулахад өндөр үзүүлэлтэд тооцогдоно.
Гэсэн хэдий ч шийдвэрлэх мөчүүд, ялангуяа Vitality-ийн эсрэг цувралд үзүүлэлт нь буурснаар энэ удаа EVP жагсаалтад багтаж чадсангүй. Харин тэр тэмцээний хамгийн нөлөө бүхий тоглогчдын нэг гэсэн үнэлгээг “honorable mention” хэлбэрээр авч үлдлээ.
Тэмцээний турш үзүүлсэн нөлөө, чансаанд тулгуурласан EVP жагсаалтад дараах тоглогчид багтсан байна. Vitality-ийн flameZ хасагдах шатанд хамгийн өндөр өгөөжтэй тоглолтоороо дээгүүр бичигдсэн бол ropz хэсгийн шатны сул үзүүлэлтээ плей-оффт эрс сайжруулсан гэдгээрээ онцлог болов.
Жагсаалтын дараалал:
- Shahar “flameZ” Shushan (Vitality)
- Robin “ropz” Kool (Vitality)
- Ádám “torzsi” Torzsás (MOUZ)
- Ilya “m0NESY” Osipov (Falcons)
- Nikola “NiKo” Kovač (Falcons)
- Dorian “xertioN” Berman (MOUZ)
- Б.Усухбаяр “910” (The MongolZ)
- Ivan “zweih” Gogin (PARIVISION)
The MongolZ-ийн cobrazera ялсан мапууд дээр 1.45 рейтингтэй тоглосон ч гуравдугаар байрын төлөөх тоглолт, шийдвэрлэх мөчүүдэд үзүүлэлт нь саарснаар EVP-д хүрээгүй байна. Гэсэн ч тэмцээний турш үзүүлсэн тогтвортой тоглолтыг нь үндэслэн “honorable mention” ангилалд нэрлэжээ.
PGL Cluj-Napoca 2026: All-Stars бүрэлдэхүүн
Тэмцээний нийт нөлөөлөл, үүрэг роль, багтаа үзүүлсэн жинтэй хувь нэмрээр дараах “бүх оддын” бүрэлдэхүүнийг нэрлэсэн байна. Энд үүргээр нь ялган жагсааж, багийн бүтэцтэй дүйцүүлэх байдлаар сонголт хийжээ.
All-Stars:
- Mathieu “ZywOo” Herbaut — AWP
- Shahar “flameZ” Shushan — Entry fragger
- Robin “ropz” Kool — Closer
- Dzhami “Jame” Ali — IGL
- Ivan “zweih” Gogin — Anchor
The MongolZ энэ удаагийн тэмцээнд 1xBet Mongolia-ийн дэмжлэгтэйгээр оролцсон гэж мэдээлэв.
The MongolZ үнэхээр мундаг тоглож байна, бахархаж байна шүү
Дэлхийн шилдгүүдтэй зэрэгцэнэ гэдэг том амжилт байна