Өчигдөр 16:00 цагийн орчимд Увс аймгийн Сагил сумын төвөөс баруун урд зүгт 58 км-ийн зайд 4.4 магнитудын хүчтэй газар хөдлөлт болсон талаар Одон орон, геофизикийн хүрээлэн мэдээллээ.
Газар хөдлөлтийн голомт нь Увс аймгийн хилийн бүсэд, уулын бүсийн гүн давхаргад бүртгэгдсэн байна. Одоогоор хохирлын талаарх мэдээлэл ирээгүй бөгөөд холбогдох байгууллагууд хяналт, ажиглалт хийж байна.
Ойролцоох суурин газрууд
- Түргэн сумын төвөөс баруун зүгт 51 км
- Сагил сумын төвөөс баруун урд зүгт 58 км
- Бөхмөрөн сумын төвөөс зүүн хойд зүгт 61 км зайд тус тус мэдрэгдсэн байна.
Онцгой байдлын байгууллага болон орон нутгийн удирдлагууд газар хөдлөлтийн дараах нөхцөл байдлыг үнэлж, сэрэмжлүүлэг өгч ажиллаж байгаа аж.
