Цаг уур орчны шинжилгээний газраас өнөө өглөөний байдлаар зарим аймаг, сумдын цаг агаарын нөхцөл байдлын талаар мэдээлэл гаргалаа. Энэхүү мэдээллээс үзэхэд нийт долоон аймгийн 34 суманд цас орсон нь намрын улиралд орж буй анхны цасны нэг болж байна.
Доорх аймаг, сумдад цас оржээ:
- Архангай аймаг: Цэцэрлэг сум
- Булган аймаг: Бугат, Булган, Бүрэгхангай, Могод, Орхон, Хутаг-Өндөр сумууд
- Завхан аймаг: Баянтэс, Баянхайрхан, Их-Уул, Нөмрөг, Тосонцэнгэл, Тэлмэн, Тэс сумууд
- Орхон аймаг: Баян-Өндөр сум
- Увс аймаг: Баруунтуруун, Зүүнговь, Малчин, Сагил, Түргэн, Улаангом, Өндөрхангай сумууд
- Хэнтий аймаг: Баян-Адарга, Биндэр, Дадал сумууд
- Хөвсгөл аймаг: Баянзүрх, Галт, Жаргалант, Рашаант, Тосонцэгэл, Цагаан-Уул, Цэцэрлэг, Шинэ-Идэр, Эрдэнэбулган сумууд
Цаг уурын байгууллагын мэдээлснээр, хүйтний эрч аажмаар нэмэгдэж байгаа бөгөөд өндөрлөг болон хангайн бүсийн нутгуудад орсон цас нь түр хугацаанд тогтох магадлалтай байна. Зарим аймагт салхи ширүүсч, температур огцом буурч байгаа тул жолооч, малчид анхааралтай байхыг зөвлөжээ.
