Хүүхдийн наадмаас монгол боксчид 11 медаль хүртэж шинэ амжилт тогтоолоо

БНХАУ-ын Өвөр Монголын Өөртөө Засах Орны Бугат, Баяннуур хотод болж буй Монгол туургатны олон улсын хүүхдийн спортын XI их наадамд манай улсын өсвөрийн боксчид амжилттай оролцож, түүхэн амжилт үзүүллээ. Монголын баг тамирчид нийтдээ 4 алт, 2 мөнгө, 5 хүрэл медаль хүртсэн байна.

Охидын амжилт

• А.Алтанзул – 48 кг жинд, алт (клуб “Ихэр Бээлий”)
• Г.Халиун – 50 кг жинд, мөнгө (Дорнод аймгийн “Талын бүргэд”)
• А.Амина – 54 кг жинд, хүрэл (клуб “Радианс”)
• С.Энхчимэг – 57 кг жинд, алт (Дорноговь аймаг)
• Б.Алтанжаргал – 60 кг жинд, мөнгө (Өмнөговь аймаг)

Хөвгүүдийн амжилт

• Б.Агарзандан – 50 кг жинд, алт (клуб “Радианс”)
• О.Түвшинбаяр – 54 кг жинд, хүрэл (МУБИУ-БТДС)
• Г.Оджаргал – 57 кг жинд, алт (Дархан-Уул аймгийн “Бурхан Халдун”)
• М.Цэлмэг – 60 кг жинд, хүрэл (“Лхагва бокс”)
• Н.Мөнхболд – 63 кг жинд, хүрэл (“Барселона”)
• Х.Батнаран – 66 кг жинд, хүрэл (“Эр зориг”)

Тэмцээнд багийг ахалсан дасгалжуулагчдаар МУГТ Д.Лхагва, Т.Ганзориг нар ажилласан бол, шүүгчийн үүргийг Д.Үржинбаяр гүйцэтгэсэн байна. Энэ удаагийн тэмцээн монгол хүүхдийн боксын ирээдүй гэрэлт байгааг харуулсан үйл явдал боллоо.