Монгол Улсад 2007 оноос эхлэн хавар, намрын улиралд “Үндэсний номын баярын өдөр”-ийг уламжлал болгон тэмдэглэж ирсэн билээ. Энэ уламжлалын хүрээнд ард иргэд, хүүхэд, залуусын дунд ном унших соёлыг түгээн дэлгэрүүлэх, зохиолч, туурвигч, бичиг соёлын идэвхтнүүдийг дэмжих зорилготой 38 дахь удаагийн “Үндэсний бичиг соёл, номын өдрүүд-2025” өнөөдөр буюу 2025 оны есдүгээр сарын 19-нд нээлтээ хийлээ.
Тус арга хэмжээ есдүгээр сарын 21-нийг дуустал гурван өдрийн турш Д.Сүхбаатарын талбайд үргэлжилнэ. Энэ үеэр олон нийтийн уншлагыг дэмжих үйл ажиллагаа, номтой нөхөрлөх уриалгыг өрнүүлж, уншигчдад шинэ бүтээлүүдийг хүргэх юм.
