CS2-ийн дэлхийн чансааны тэргүүлэгч Team Vitality дахин дараалан The MongolZ багтай хагас шигшээд таарч, энэ удаад ч мөн монголчууд ялалт байгууллаа. Дөнгөж долоо хоногийн өмнө The MongolZ BLAST Bounty Fall 2025 дээр дэлхийн шилдэг багийг тэмцээнээс хасч сенсаци тарьсан бол одоо энэ нь бүр ч баталгаажлаа.
Тэмцээний хамгийн гоёмсог тоглолтуудын нэг болсон энэхүү тулаанд талууд ширүүн өрсөлдсөн.
- Mirage дээр The MongolZ итгэлтэй тоглож, 13:8-аар ялалт байгуулсан
- Dust2 дээр Vitality өөрсдийн шилдэг картаа авч үлдэж, 13:9-өөр буцаан оноо тэнцүүлсэн
- Nuke дээр монголчууд гайхалтай эхлэлийг тавьж, эхний хагаст 10:2-оор тэргүүлсэн. Vitality камбэк хийхийг оролдсон ч амжилтгүй болж, тоглолт 13:7-оор өндөрлөсөн
Ийнхүү The MongolZ дэлхийн №1 багийг хоёр том тэмцээнээс дараалан хасч, Esports World Cup 2025-ийн гранд финалд шалгарлаа. Тэд аваргын төлөө Aurora Gaming багтай тоглоно.
Esports World Cup 2025 Саудын Арабын Эр-Рияд хотод болж байгаа бөгөөд тэмцээнд Global Valve Regional Tournament (VRS)-ийн чансаагаар уригдсан багууд оролцож байна. Шагналын сан нь 1.25 сая ам.доллар.
