АНУ-ын Ерөнхийлөгч Дональд Трамп 2025 оны 8 сарын 15-нд ОХУ-ын төрийн тэргүүн Владимир Путинтэй уулзах тов гарсныг өөрийн Truth Social хуудсандаа мэдэгдлээ.
Трампын мэдэгдэл:
“АНУ-ын Ерөнхийлөгчийн хувьд, Оросын удирдагч Владимир Путинтэй хийх удаан хүлээгдсэн уулзалт ирэх Баасан гараг, 8 сарын 15-нд агуу Аляска мужид болно. Дэлгэрэнгүй мэдээллийг удахгүй хуваалцана. Энэ асуудалд анхаарал хандуулж буйд баярлалаа.”
Кремлийн зөвлөх Юрий Ушаковын хэлснээр, Орос, АНУ хоёр хөрш орон тул уулзалт Аляскт болох нь “логик шийдвэр” аж.
Өмнөх үйл явдал
- 8 сарын 8-нд Цагаан ордны хэвлэлийн хурлын үеэр Трамп Орос–Украины дайныг зогсоох энхийн хэлэлцээрийн хүрээнд “тодорхой газар нутгийн солилцоо” яригдаж магадгүй гэж мэдэгдсэн.
- NBC News-ийн мэдээлснээр, өндөр түвшний эх сурвалж уулзалт ирэх долоо хоногийн сүүлчээр болно гэж урьдчилан мэдээлжээ.
- Трамп өмнө нь Путинтэй уулзах “сайн магадлал” байгаа хэмээн олон нийтэд мэдэгдсэн.
- WSJ-ийн мэдээлснээр, Путин Трампт Орос Украинд хийж буй байлдааны ажиллагааг зогсоохын тулд Киевээс их хэмжээний газар нутаг шилжүүлэх болон эзлэгдсэн бүс нутгийн олон улсын хүлээн зөвшөөрөлтийг шаардаж буйгаа илэрхийлжээ.
