Өмнөговь аймгийн Даланзадгад суманд улаанбурхан өвчний тохиолдол батлагдсантай холбогдуулан аймгийн Онцгой комисс хуралдаж, халдварын тархалтаас урьдчилан сэргийлэх зорилгоор дараах шийдвэрүүдийг гаргалаа.
Онцгой комиссын гаргасан гол шийдвэрүүд:
✅ Сургууль, цэцэрлэгүүдийг гуравдугаар сарын 17-ныг хүртэл цахим хэлбэрт шилжүүлэх
✅ 18-аас доош насны хүүхдүүдийн дунд тэмцээн, уралдаан, дугуйлан, секц, олон нийтийн үйл ажиллагааг гуравдугаар сарын 20-ныг хүртэл хязгаарлах
✅ Олон нийтийг хамарсан арга хэмжээг зохион байгуулахгүй байх
Эцэг эх, асран хамгаалагчдад өгөх анхааруулга:
✔ Хүүхдээ гадуур сэлгүүцүүлэхгүй байх
✔ Бага насны хүүхдийг хараа хяналтгүй орхихоос сэргийлэх
✔ Эрүүл ахуйн дэглэмийг чанд баримтлах
Аймгийн Онцгой комисс халдварын эрсдэлийг бууруулах чиглэлээр нэмэлт арга хэмжээ авч ажиллахыг анхаарууллаа.
