С.Молор-Эрдэнийн өмгөөлөгчийн гаргасан таслан сэргийлэх арга хэмжээг өөрчлүүлэх хүсэлтийг шүүх хэлэлцээд хангахаас татгалзжээ. Ингэснээр түүнд өмнө нь авсан 30 хоногийн цагдан хорих таслан сэргийлэх арга хэмжээ хэвээр үргэлжлэхээр болсон байна.
Түүнийг Тагнуулын байгууллагаас хойшлуулшгүйгээр саатуулан шалгаж эхэлсний дараа прокурорын саналаар шүүх 30 хоног цагдан хорих шийдвэр гаргасан гэж эх сурвалжид дурджээ. Уг шийдвэрийг гаргахдаа оргон зайлах, нотлох баримтад нөлөөлөх, гэмт хэрэг үргэлжлүүлэх зэрэг эрсдэл байж болзошгүй гэх хуульд заасан үндэслэлүүдийг харгалзсан байна.
Өмгөөлөгчийн хүсэлтийг шүүх хэрэгсэхгүй болгожээ
С.Молор-Эрдэнийн өмгөөлөгч цагдан хорих арга хэмжээг өөр төрлийн таслан сэргийлэх арга хэмжээгээр солих хүсэлт гарган Дүүргийн Эрүү, Иргэний хэргийн хялбар ажиллагааны шүүхэд хандсан байна. Тус хүсэлтийг өнөөдөр хэлэлцээд шүүхээс хангах үндэслэлгүй гэж үзжээ.
Эх сурвалжийн мэдээлснээр С.Молор-Эрдэнийг Эрүүгийн хуулийн 19.9 дүгээр зүйлд заасан “Үндэсний эв нэгдлийг бусниулах” гэмт хэрэгт холбогдуулан яллагдагчаар татаж, мөрдөн шалгах ажиллагаа явуулж байгаа аж.
Иймд түүнийг үргэлжлүүлэн цагдан хорих нөхцөл хэвээр үлдсэн байна. Харин яллагдагчаар татсан болон цагдан хорьсон нь түүнийг гэм буруутайд тооцсон гэсэн үг биш бөгөөд гэм буруутай эсэхийг шүүхийн эцсийн шийдвэрээр тогтооно.
