Улаанбаатар хотын төв талбайд “UB Food Festival” хоолны өдөрлөг есдүгээр сарын 25-наас зохион байгуулагдана. Арга хэмжээ есдүгээр сарын 30-ныг дуустал үргэлжилж, өдөр бүр 10:00-22:00 цагийн хооронд иргэдэд нээлттэй байх юм.
Энэ жилийн фестивалийг задгай талбайд зохион байгуулах бөгөөд хоол, амттанаас гадна үзвэр, хөгжмийн хөтөлбөрүүдийг нэг дор багтаахаар төлөвлөжээ. Нийслэлийн Аялал жуулчлалын газрын мэдээлснээр “UB Food Festival”-ийг хоёр дахь удаагаа зохион байгуулж байна.
Олон орны хоол, тогоочдын үзүүлбэрийг нэг дор үзнэ
Өдөрлөгийн үеэр мэргэжлийн тогооч нар хоол бэлтгэх ур чадвараа үзүүлж, зочдод төрөл бүрийн хоолны соёлыг танилцуулах аж. Мөн олон орны үндэсний хоол, амттан худалдаалах бөгөөд иргэд өөр өөр орны амтыг нэг дороос сонирхох боломжтой.
Фестивалийн хөтөлбөр зөвхөн хоолоор хязгаарлагдахгүй. Хөгжөөнт тоглоом, дуу хөгжмийн арга хэмжээ зохион байгуулж, төв талбайг хэд хоногийн турш хоол, соёл, энтертайнмент хосолсон орчин болгохоор төлөвлөжээ.
Явалж байгаад заавал орж амттай юм идье даа
Найзуудаараа цуглаад очиход их зүгээр юм байна