Германы Косвиг хотын (Саксон-Анхальт муж улс) бага сургуулийн 16 сурагчийг сургуулийн арга хэмжээнд авчирсан гэрийн аргаар хийсэн нарийн боовноос зоос хэлбэртэй жижиг батарей олдсоны дараа эмнэлгийн байгууллагад хүргэсэн байна. Энэ тухай “Bild” сонин Виттенберг дүүргийн захиргаанаас эш татан мэдээллээ.
Тус сонины мэдээлснээр, уг хэрэг пүрэв гарагт Фрёбелийн нэрэмжит бага сургуулийн хурлын танхимд гарчээ. Орон нутгийн эрх баригчдын мэдээллээр арга хэмжээнд гэртээ хийсэн кекс авчирсан бөгөөд хожим нь түүн дотроос батарей олдсон аж. Сургууль дээр яаралтай тусламжийн эмч зэрэг онцгой байдлын албаны 35 ажилтан хүрэлцэн иржээ. Нэг хүүхдийг эмнэлэгт хэвтүүлсэн бол үлдсэн 15 хүүхдийг эцэг эхчүүд нь эмнэлэгт хүргэсэн байна.
Цагдаагийн байгууллага мөрдөн шалгах ажиллагааг эхлүүлжээ. Хууль сахиулах байгууллагын төлөөлөгчийн баталснаар үлдсэн кекснүүдээс хоёр ширхэг батарей олдсон аж. Тэдгээр батарей нарийн боовонд хэрхэн орсныг одоогоор тогтоогоогүй байна.
Сурагчдын биеийн байдлын талаарх мэдээлэл хараахан ирээгүй байна.
