BLAST Bounty Season 2 тэмцээний хагас шигшээд FaZe баг шалгарлаа. Европын баг The MongolZ-ийг гурван газрын зураг дамнасан өрсөлдөөнтэй цувралд 2:1 харьцаагаар хожиж, дараагийн шатанд үлдсэн байна.
Цувралын дүнгээр FaZe Nuke дээр 16:12, Ancient дээр 13:8-аар ялалт байгуулсан бол The MongolZ Mirage дээр 13:7-гоор хариу барьжээ. Гэсэн ч шийдвэрлэх Ancient газрын зурагт FaZe тоглолтын хэмнэлийг илүү сайн барьж, цувралыг өөрийн талд дуусгасан юм.
Тоглолтын хамгийн анхаарал татсан мөч Nuke дээр өрнөлөө. The MongolZ эхний хэсэгт 12:3-аар илүүрхэж, ялалтад ойртсон ч FaZe дараалан 13 раунд авч, гайхалтай comeback хийсэн байна.
Эхний хагаст Монголын багаас tikuak, DarkMeister болон 910 нар онцгой тоглолт үзүүлжээ. Гэвч тал солигдсоны дараа FaZe санаачилгыг бүрэн гартаа авч, Якуб “jcobbb” Петрушевский, JBOEN, frozen нар багтаа хэрэгтэй раундуудыг авчирсан байна.
Nuke-ийн нэмэлт раундуудад FaZe хамгаалалтын талын давуу байдлаа ашиглаж, гурван раунд дараалан авсан. Улмаар шийдвэрлэх мөчид Neityu тоглолтыг хааж, FaZe-ийн эргэн ирэлтийг бүрэн баталгаажуулжээ.
Газрын зураг тус бүрийн дүн:
- Nuke: FaZe 16:12 The MongolZ
- Mirage: The MongolZ 13:7 FaZe
- Ancient: FaZe 13:8 The MongolZ
The MongolZ хоёр дахь газрын зураг Mirage дээр илүү цэгцтэй, итгэлтэй тоглолт үзүүлсэн байна. Гаридмагнай “bLitz” Бямбасүрэн болон “tikuak” нар довтолгооны талд багтаа 9:3-ын давуу байдал авчрахад чухал нөлөө үзүүлжээ.
Тал солигдсоны дараа FaZe эргэн ирэхийг оролдсон ч энэ удаа Монголын баг тоглолтоо алдалгүй барьж чадсан байна. Ингэснээр The MongolZ цувралыг 1:1 болгож, шийдвэрлэх Ancient рүү тоглолтыг шилжүүлсэн юм.
Гэвч Ancient дээр FaZe илүү тогтвортой байлаа. JBOEN хэд хэдэн чухал clutch авч, тооны дутуу нөхцөлд ч багтаа раунд авчирснаар FaZe эхний хагасыг 9:3-аар дуусгасан байна.
The MongolZ тал солигдсоны дараа онооны зөрүүг багасгах гэж оролдсон ч JBOEN-ийн multi-frag-ууд FaZe-д тоглолтыг бүрэн хянах боломж олгожээ. Ингэснээр Ancient 13:8-аар FaZe-ийн ялалтаар өндөрлөж, The MongolZ BLAST Bounty Season 2 тэмцээнээ дуусгалаа.
Ийнхүү FaZe Nuke дээрх итгэмээргүй эргэн ирэлт, Ancient дээрх тогтвортой гүйцэтгэлээрээ хагас шигшээд шалгарсан байна. Харин The MongolZ шинэ бүрэлдэхүүнтэйгээр хүчтэй өрсөлдөөн үзүүлсэн ч шийдвэрлэх мөчүүдэд давуу байдлаа хадгалж чадалгүй тэмцээнээ өндөрлүүлэв.
The Mogolz 1xBet-ийн дэмжлэгтэйгээр тэмцээнд оролцсон.
