8-р сарын 12-ны Лхагва гарагт Counter-Strike 2-ын дэлхийн аваргын түвшний Esports World Cup 2026 тэмцээний хэсгийн шатны тоглолтууд эхэллээ. D хэсгийн эхний тулаанд Монголын The MongolZ баг magic багийн эсрэг Mirage карт дээр Best-of-1 форматаар тоглож, 13:7 харьцаатайгаар итгэл төгс ялалт байгууллаа.
Энэхүү ялалтын дүнд The MongolZ хэсгийнхээ дээд хүснэгт (Upper Bracket) рүү шалгарсан бол magic баг доод хүснэгт рүү ухарч, тэмцээнээ үргэлжлүүлэхээр болж байна.
Тоглогчдын үзүүлэлт (Mirage)
Тус тоглолтод The MongolZ багийн мэргэн бууч 910 гайхалтай тоглолт үзүүлж, 20-12 K-D, 103.2 ADR болон 1.56 rating-тэйгээр тоглолтыг манлайллаа.
| Баг | Тоглогч | K-D | ADR | Rating |
| The MongolZ | 910 | 20-12 | 103.2 | 1.56 |
| bLitz | 13-13 | 73.2 | 1.34 | |
| tikuak | 12-12 | 69.2 | 1.22 | |
| Techno4K | 8-9 | 43.4 | 0.93 | |
| DarkMeister | 8-14 | 57.9 | 0.75 | |
| magic | MaSvAl | 15-10 | 84.1 | 1.29 |
| tENZY | 16-13 | 84.2 | 1.07 | |
| sFade8 | 10-11 | 67.8 | 0.86 | |
| AW | 13-13 | 48.9 | 0.79 | |
| mo0n | 6-14 | 34.5 | 0.48 |
Дараагийн тоглолт болон тэмцээний мэдээлэл
Манай багийн дараагийн тоглолт 8-р сарын 15-ны Улаанбаатарын цагаар 19:00 цагт Natus Vincere (NaVi) багийн эсрэг болох бөгөөд манай залуус 1xBet Mongolia-гийн дэмжлэгтэйгээр тулалдахад бэлэн болоод байна.
Францын Парис хотноо 8-р сарын 12-ноос 23-ны өдрүүдэд зохион байгуулагдаж буй Esports World Cup 2026 тэмцээнд дэлхийн шилдэг 32 баг нийт 2,000,000 ам.долларын шагналын сан болон байгууллагын нэгдсэн чансааны онооны төлөө өрсөлдөж байгаа юм. Тэмцээний шийдвэрлэх гранд-финал “Accor Arena”-д Best-of-5 форматаар явагдаж, аваргыг тодруулна.
