Өнөөдөр буюу 2026 оны нэгдүгээр сарын 30-ны өглөө нийтийн тээврийн үйлчилгээнд гарахаар бэлтгэж байсан автобус хулгайд алдагдсан хэрэг гарлаа. “Сайхан ирээдүй” ХХК-ийн эзэмшлийн 18-037 дугаартай тухайн тээврийн хэрэгсэл 07:01 цагт “Вокзал – Өвөр Согоот” чиглэлд явах хуваарьтай байсан ч жолоочийг нь түр эзгүй хооронд буюу 06:45 цагт үл таних этгээд авч зугтжээ.
Хэрэгтэн автобус доторх хяналтын камерыг унтраасан байсан тул дотоод системээр хянах боломжгүй болсон юм. Иймд холбогдох албаныхан Замын хөдөлгөөний удирдлагын төв (ЗХУТ) болон Авто тээврийн хяналтын төвд яаралтай ханджээ.
ЗХУТ-ийн мэргэжилтнүүд хот даяар суурилуулсан ухаалаг камерын нэгдсэн системийг ашиглан тээврийн хэрэгслийг эрэн сурвалжилж эхэлсэн байна. Уг системийн тусламжтайгаар автобусыг Моносын уулзвар орчимд зогсож байгааг илрүүлснээр хэрэг гарснаас хойш ердөө хоёр цагийн дотор тээврийн хэрэгслийг олж тогтоожээ.
Улаанбаатар хотын хяналтын системийн шинэчлэл
Улаанбаатар хот 2024 онд аюулгүй байдал болон замын хөдөлгөөний зохицуулалтыг сайжруулах зорилгоор 176 уулзвар, гарцад 2600 гаруй ухаалаг камерыг шинээр суурилуулсан. Энэхүү систем нь дараах найман чиглэлээр ажиллаж байна:
- Тээврийн хэрэгслийн улсын дугаар таних
- Замын хөдөлгөөний дүрэм зөрчилт илрүүлэх
- Эрэн сурвалжлагдаж буй тээврийн хэрэгслийг хянах
- Хөдөлгөөний ачааллыг тооцох болон зохицуулах зэрэг багтдаг.
Энэ удаагийн тохиолдол нь технологийн шинэчлэл нийгмийн аюулгүй байдлыг хангахад бодит үр дүнгээ өгч байгаагийн илрэл боллоо.
