Нийслэлийн Засаг даргын Тамгын газар болон “Мөнхийн мөрөөдлөө асаа” төрийн бус байгууллагууд хамтран 12 хүртэлх насны сурагчдын дунд багийн спортын гурван төрлөөр буюу сагсан бөмбөг, хөл бөмбөг, мини воллейбол-ын тэмцээнийг хоёр үе шаттай зохион байгуулах гэж байна.
Эхний тэмцээн болох мини воллейболын аварга шалгаруулах тэмцээн удахгүй эхлэх бөгөөд дараах байдлаар зохион байгуулагдана:
Тэмцээний 1-р шат:
- Дүүргийн аварга шалгаруулах тэмцээн
Оролцогчид:
- Сургуулийн шигшээ баг (нэг сургуулийг нэг баг төлөөлнө)
Насны ангилал:
- 12 нас хүртэлх сурагчид
Тэмцээний хугацаа:
- 2025 оны 4 дүгээр сарын 11–ээс 5 дугаар сарын 7 хүртэл
- (Тэмцээний тов дүүрэг бүрт өөр байх боломжтой)
Бүртгэл:
- 2025 оны 4 дүгээр сарын 2-ны 18:00 цаг хүртэл
Энэхүү тэмцээн нь хүүхдүүдийн чөлөөт цагийг зөв боловсон өнгөрүүлэх, бие бялдрыг хөгжүүлэх, багаар ажиллах чадвар, спортын соёлыг төлөвшүүлэх зорилготой юм.
