Сангийн сайд Б.Жавхлан улсын төсөв, валютын нөөцийн талаар мэдээлэл хийлээ. Түүний хэлснээр, энэ оны төсвийн тодотголын дагуу төрийн бүх санхүүжилт хэвийн үргэлжилж байгаа бөгөөд хөрөнгө оруулалтын гүйцэтгэл гуравдугаар улиралд 50 орчим хувьтай гарсан байна.
Монголбанкны хамгийн сүүлийн тоон мэдээгээр 2025 оны есдүгээр сарын 30-ны байдлаар Монгол Улсын валютын нөөц 5 тэрбум 874 сая төгрөг байгаа аж. Энэ нь дөрвөөс таван сарын импортын хэрэгцээг хангах хэмжээний үлдэгдэл гэдгийг сайд онцоллоо.
Мөн Олон улсын валютын сангийн баг өнгөрсөн долоо хоногт Монголд ажиллаж, төлбөр тооцоо болон өрийн асуудалд ямар нэгэн эрсдэл байхгүй гэсэн дүгнэлт өгч буцсан байна. Б.Жавхлангийн хэлснээр, валютын нөөцийг бүрдүүлэх нь Төв банкны гол ажил бөгөөд арилжааны банкууд дээрх валют ч энэхүү нөөцөд багтдаг.
Тэрбээр цаашид цалингийн болон бусад зардлын асуудлыг төсвийн хэлэлцүүлгийн хүрээнд ил тод авч үзэх ёстойг онцлон тэмдэглэлээ.
