2025-2026 оны хичээлийн жилд нийслэлийн цэцэрлэгт хамрагдах хүсэлтийг өнөөдрөөс эхлэн наймдугаар сарын 18-ныг дуустал “E-Mongolia” системээр дамжуулан бүртгэж эхэлжээ.
Улсын хэмжээнд 278,290 хүүхэд сургуулийн өмнөх боловсролд хамрагдах шаардлагатай байгаагаас 135,582 хүүхэд нийслэлийнх юм.
Насаар нь ангилбал:
- 2 настай: 30,304
- 3 настай: 31,843
- 4 настай: 35,698
- 5 настай: 37,837 хүүхэд байна.
Бүртгүүлэхдээ дараах зүйлийг анхаарах хэрэгтэй:
- Эцэг эх болон хүүхдийн хаягийн бүртгэл, мэдээлэл баталгаатай байх.
- Өнгөрсөн хичээлийн жилд цэцэрлэгт хамрагдсан хүүхдийн хувьд, тухайн байгууллагад “үргэлжлүүлэн явах” эсэх сонголтыг заавал хийх.
- Хэрэв шилжилт хөдөлгөөн хийх бол наймдугаар сарын 15-наас өмнө баталгаажсан байх шаардлагатай.
