БНАСАУ-ын удирдагч Ким Чен Ын-ын дүү Ким Ё Жон БНАСАУ ба Өмнөд Солонгосын харилцаа “буцалтгүй цэг”-т хүрсэн хэмээн мэдэгдлээ.
Mongolnews24.com сайтын мэдээлснээр, түүний хэлсэн үгсийг Солонгосын Төв Телеграфын Агентлаг иш татан дамжуулсан байна.
Ким Ё Жон мэдэгдэлдээ: “Өмнөд Солонгост ямар ч улс төрч эрх барьж, ямар ч санал дэвшүүлсэн байсан — бидэнд хамаагүй. Бидэнд Сөүлийнхэнтэй ярилцах зүйл алга,” — хэмээн онцолжээ.
Мөн тэрбээр Сөүл БНАСАУ-ын эсрэг дайсагнасан бодлогоо үргэлжлүүлж байгааг сануулсан бөгөөд Өмнөд Солонгос АНУ-тай хамт Хойд Солонгосын хил орчимд хамтарсан цэргийн сургуулилт хийхээр төлөвлөж буйг дурдсан байна.
