Нийслэлийн Засаг даргын Тамгын газар “Хүүхдийн төлөө – миний сонголт” нэртэй аянг тавдугаар сарын 20-ноос эхлэн 30 хоногийн хугацаатай хэрэгжүүлж эхэлжээ. Аяны гол зорилго нь хүүхэд, залуусын дунд эрүүл амьдралын хэв маягийг дэмжих, архи, согтууруулах ундаа, тамхины хэрэглээг бууруулах, сэтгэцэд нөлөөт бодисоос сэргийлэхэд оршино.
Архи, тамхины хэрэглээний эсрэг арга хэмжээ:
- Тамхи, архины хэрэглээнээс үүдэлтэй эрүүл мэндийн эрсдэл, гэмт хэрэг, зөрчлөөс урьдчилан сэргийлэх
- Хууль тогтоомжийг сурталчлах, олон нийтийн зөв хандлагыг төлөвшүүлэх
- Дам тамхидалт болон сэтгэцэд нөлөөт бодисын хор уршгийн талаар мэдээлэл түгээх
Энэхүү ажлыг нийслэлийн дүүргүүд болон нутгийн захиргааны байгууллагууд хамтран хэрэгжүүлэх бөгөөд холбогдох албан тушаалтнуудад зохион байгуулалт, хяналт тавих чиглэл өгөгджээ.
Хориглох өдөр, хязгаарлалт:
- 2025 оны 5-р сарын 31 – Дэлхийн “Тамхигүй өдөр”
- 2025 оны 6-р сарын 1 – Олон улсын хүүхдийн эрхийг хамгаалах өдөр
Дээрх өдрүүдэд Улаанбаатар хотын хэмжээнд:
- Архи, согтууруулах ундаа худалдах, түүгээр үйлчлэхийг хориглоно
- Тамхи худалдахгүй байхыг аж ахуйн нэгжүүдэд уриалсан
Энэ шийдвэр нь нийслэлийн хэмжээнд олон нийтийн эрүүл мэндийг дэмжих, хүүхдийн орчныг эрүүл, аюулгүй байлгахад чиглэсэн чухал алхам юм.
Эрх баригчид энэ асуудалд анхаарал хандуулж байгаа нь сайн хэрэг. Хотод жаахан нам гүм байх болов уу
Би шийдвэрийг дэмжиж байна! Согтууруулах ундаа багасна гэдэг эрүүл мэнд, дэг журам гэсэн үг