Монгол Улс дахь НҮБ-ын Нийгэмлэг ТББ нь 2025 оны зуны дадлагын хөтөлбөрт хамрагдах хүсэлтэй залуусыг урьж байна. Уг хөтөлбөр нь 2025 оны 6 дугаар сарын 10-наас 9 дүгээр сарын 10-ны хооронд хэрэгжих бөгөөд оролцогчид хагас цагаар уян хатан ажиллах боломжтой юм.
Хэрвээ та:
- Өөрийгөө хөгжүүлж, шинэ ур чадвар эзэмшихийг хүсэж байвал
- Олон жилийн туршлага бүхий залуусын багт орж ажиллахыг зорьж байвал
- НҮБ болон НҮБ-ын Нийгэмлэгийн бодит үйл ажиллагаатай танилцахыг хүсэж байвал
- Дадлага хийх, үр дүнтэй хувь нэмэр оруулах сонирхолтой бол
Энэ хөтөлбөр таны хувьд төгс боломж юм.
Хөтөлбөрт хамрагдсанаар:
- Дэлхийн тогтвортой хөгжлийн зорилгыг Монголд хэрэгжүүлэх төслүүдэд оролцож, нийгэмд бодит хувь нэмэр оруулна
- Хөгжлийн чиглэлээр үйл ажиллагаа явуулдаг мэргэжлийн хүмүүсийн хамтаар ур чадвараа дээшлүүлнэ
- Дадлагын хугацааг талууд тохиролцон сунгах боломжтой
- Урамшуулал болон сертификат, тодорхойлох захидал олгоно
Хамрагдах болзол:
- 18 нас хүрсэн байх
- 7 хоногт 8–15 цагийн ажлын боломжтой байх
Нээлттэй ажлын чиглэлүүд:
1. Сошиал медиа хариуцсан дадлагажигч (2 орон тоо)
Үүрэг:
- Facebook, Instagram хуудас руу тогтмол контент (пост, постер, рийл) бэлтгэх
- Зураг, бичлэг авах, эвлүүлэг хийх, үйл ажиллагааны пост бэлтгэх
Шаардлага:
- Монгол хэлний найруулгын чадвартай
- Англи хэлний дунд болон түүнээс дээш мэдлэгтэй
- Canva эсвэл Adobe дээр ажиллах чадвартай
- Сошиал медиа контент бэлтгэж байсан туршлагатай
2. Хөтөлбөрийн зохион байгуулагч (4 орон тоо)
Үүрэг:
- Төсөл, хөтөлбөрийн зохион байгуулалтын бэлтгэл хангах, мэдээ бэлтгэх, судалгаа хийх
- Үйл ажиллагааны үеэр зохион байгуулалтад туслах
Шаардлага:
- Хөтөлбөр төлөвлөж хэрэгжүүлж байсан туршлагатай
- 7 хоногт 15–20 цаг ажиллах боломжтой
Өргөдөл хүлээн авах хугацаа:
2025 оны 6 сарын 8-ны 23:59 хүртэл
Google Form линк: https://forms.gle/BYZccCV4UEcXs8os5
Мэйлээр илгээсэн өргөдлийг хүлээж авахгүй
- Танилцуулга бичлэгийг монгол хэлээр,
- CV-г монгол эсвэл англи хэлээр ирүүлнэ үү
Шалгаруулалт:
6 сарын 9-нд хоёрдугаар шатанд тэнцсэн оролцогчдод имэйл илгээнэ. Эцсийн шатанд цахим ярилцлага эсвэл даалгавар өгч шалгаруулна. Тодруулах зүйл байвал: [email protected] хаяг руу хандана уу.
