Английн хөлбөмбөгийн шигшээ багийн экс хагас хамгаалагч Дэвид Бекхэм папараццийн дуранд өртөж, гадаад төрхөөрөө сошиал сүлжээнд олны анхаарлыг татжээ.
Just Jared порталын Instagram хуудсанд нийтлэгдсэн зураг, тайлбаруудын дагуу 51 настай экс хөлбөмбөгчнийг Ибицагийн эрэг орчим тансаг дарвуулт завин дээр амарч байх үед нь авсан байна. Зурган дээр Бекхэм зөвхөн хар хөх өнгийн шорттой харагджээ.
Фэнүүд үснийх нь талаар маргаж эхэллээ
Нийтлэл 16 500 лайк цуглуулсан бөгөөд олон хэрэглэгч Бекхэмийн толгой дээр бага зэрэг халцарсан хэсэг байгааг анзаарчээ. Үүний дараа түүний үсний талаар янз бүрийн таамаг, шүүмжлэл өрнөсөн байна.
Зарим хэрэглэгч “Тэр хиймэл үсээ авчихсан уу?”, “Заримдаа үс нь маш өтгөн, гайхалтай харагддаг, харин заримдаа халцархай гарч ирдэг. Олон нийтийн өмнө хиймэл үс зүүдэг юм уу? Ойлгохгүй байна”, “Дэвид үсээ алдаж байна”, “Нас ахих тусам улам муу харагдаж байна”, “Үс нь хаана байна?” гэх мэтээр сэтгэгдэл үлдээжээ.
Ийнхүү Бекхэмийн амралтын үеийн энгийн зураг түүний нас, төрх, үсний өөрчлөлтийн талаар сошиал хэрэглэгчдийн дунд идэвхтэй хэлэлцүүлэг үүсгэсэн байна.
