Бүгд Найрамдах Узбекистан Улсын нийслэл Ташкент хотноо боксын өсвөр үеийн Ази тивийн аварга шалгаруулах тэмцээн амжилттай үргэлжилж байна. Өнөөдөр буюу 2026 оны 5 дугаар сарын 11-ний өдөр эмэгтэйчүүдийн ангилалд манай гурван тамирчин медалийн өнгөө хувиргах, мөнгөн медалийн болзол хангах хариуцлагатай тулаануудыг хийхээр товлогджээ.
Тивийн аваргын төлөөх даваанд тулалдах эмэгтэй тамирчдын жинг танилцуулбал:
- 48 кг жинд: А.Мөнгөнзул
- 50 кг жинд: З.Аминхайр
- 57 кг жинд: Ч.Дагиймаа
Эмэгтэй боксчдоос гадна эрэгтэйчүүдийн ангилалд манай тамирчид амжилттай оролцож байна. Тухайлбал, эрэгтэйчүүдийн 50 кг-ын жинд Ө.Сүлд, 49 кг-ын жинд Т.Кайсар нар тус бүр хүрэл медалийн болзол биелүүлээд байгаа юм. Тэдний медалийн өнгийг ахиулах дараагийн тулааны хуваарь тун удахгүй тодорхой болно.
