Нидерланд улсад анх удаа хоёр настай хүүд эвтанази хийжээ. Үүнд эрүүл мэндийн маш хүндрэлтэй асуудлууд шалтгаан болсон байна. Энэ тухай Daily Mail хэвлэлд мэдээллээ.
Эх сурвалжийн мэдээлснээр, хүү жирэмсний 26 дахь долоо хоногт дутуу төрсөн бөгөөд олон төрлийн өвчнөөр шаналж байжээ. Түүнд тархины саажилт болон тархины эмгэг оношлогдсон байна. Түүнчлэн тэрээр хэвийн амьсгалж, харж чадахгүй байсан бөгөөд уналт таталтын (эпилепси) зовууртай байв. Эмч нартай удаан хугацаанд зөвлөлдсөний эцэст хүүгийн эцэг эх эмчилгээ тус болохгүй нь нэгэнт тодорхой болсон тул хүүд эвтанази хийлгэх хүндтэй шийдвэрийг гаргажээ.
“Эмнэлгийн болон эмнэлгийн бус бүх арга хэмжээг авсан ч эцэг эх болон эмч хүүгийн биеийн байдалд ямар нэгэн сайжруулалт хараагүй бөгөөд түүнийг тэсвэрлэшгүй шаналж байгаа гэдэгт бүрэн итгэлтэй байсан” гэж хорооны дүгнэлтэд дурджээ.
Сануулахад, 2024 онд л Нидерланд улсад 1-ээс 12 хүртэлх насны хүүхдүүдэд эвтанази хийхийг зөвшөөрсөн хууль баталсан юм. Энэхүү ажилбарыг хийхийн тулд эцэг эхийн зөвшөөрөл болон эмнэлгийн тодорхой заалт шаардлагатай байдаг.
