Хөлбөмбөгчин Криштиану Роналду болон түүний сүйт бүсгүй Жоржина Родригес нар ирэх амралтын өдрүүдэд гэрлэхээр төлөвлөж байгаа тухай The Sun мэдээлжээ. Оддын ойрын хүрээний эх сурвалжийн хэлснээр, хосын гэрлэлтийн ёслол Фуншалын сүмд болох аж.
Зочдыг Savoy Palace зочид буудалд хүлээн авч магадгүй
Ёслолын дараа зочдыг таван одтой Savoy Palace зочид буудалд болох хуримын хүлээн авалтад урих төлөвтэй гэж эх сурвалж ярьсан байна. Тус зочид буудалд дөрвөн ресторан байрладаг.
“Зочид буудлын үйлчлүүлэгчдэд баасан, бямба гарагт хоёр давхар болон хэд хэдэн барын хэсэг хаалттай байхыг мэдэгдсэн” гэж эх сурвалж хэлжээ.
Гэсэн ч Роналду, Родригес нар эдгээр цуурхлыг одоогоор тайлбарлаагүй байна. Үүнээс өмнө хосын хурим Синтра дахь Quinta da Regaleira эдлэнд энэ амралтын өдрүүдэд болно гэж таамаглаж байжээ.
Жоржина өнгөрсөн жил сүй тавьснаа зарласан
Өнгөрсөн оны 8-р сарын 11-нд Жоржина Родригес Instagram хуудсаараа дамжуулан Криштиану Роналдутай гэрлэх гэж буйгаа зарласан. Тэрээр гурван чулуугаар чимэглэсэн сүйт бүсгүйн бөгжнийхөө зургийг нийтэлсэн юм.
Үнэт эдлэлийн мэргэжилтэн Аджай Анандын үзэж буйгаар, уг бөгжид ойролцоогоор 30 каратын жинтэй D ангиллын бриллиант ашигласан байж магадгүй. Чимэглэлийн урьдчилсан үнэлгээ 5 сая ам.долларт хүрч болзошгүй гэжээ.
