Япон Улсад хийж буй айлчлалынхаа хүрээнд Монгол Улсын Ерөнхий сайд Н.Учрал Азийн наадамд эх орноо төлөөлөн оролцож байгаа үндэсний шигшээ багийн тамирчидтай уулзлаа. Энэ үеэр тэрбээр тамирчдад амжилт хүсэж, спортын салбарыг дэмжих чиглэлээр Засгийн газраас авч хэрэгжүүлэх бодлого, шийдвэрүүдийг танилцуулсан байна.
Спортын салбарын цалин ба олимпын бэлтгэлийн төсвийг нэмнэ
Засгийн газраас 2027 оны төсөвт спортын салбарын ажилтнуудын доод цалинг 2 сая төгрөгт хүргэхээр тусгаад байгааг Ерөнхий сайд онцоллоо. Түүнчлэн ирээдүйн Олимп болон Паралимпын наадамд амжилт үзүүлэхэд шаардлагатай үндэсний шигшээ багийн төсвийг даруй гурав дахин нэмэгдүүлэхээр төлөвлөжээ.
Энэ удаагийн Азийн наадамд Монгол Улсаас спортын 31 өөр төрөлд нийт 298 тамирчин хүч сорьж байгаа юм. Манай баг тамирчид уламжлалт бөх, тулааны спортоос гадна дугуй болон цахим спорт зэрэг төрлүүдээр амжилттай оролцож байна.
Тус наадмын Монголын багийн медалийн салхийг дугуйн тамирчин С.Жамбалжамц хагалж, хүрэл медаль хүртээд байгаа билээ.
