Монгол Улс Анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ойд зориулсан хүчит бөхийн уламжлалт барилдаан эхлээд үргэлжилж байна. Тус барилдаанд улс, аймаг, цэрэг, сумын цолтой шилдэг 128 бөх зодоглож байгаа юм.
Өнөөдрийн барилдаанд Улсын аварга П.Бүрэнтөгс, О.Хангай нараас гадна Улсын арслан Э.Оюунболд, Р.Пүрэвдагва, Улсын заан Б.Бат-Өлзий, М.Лхагвагэрэл тэргүүтэй хүчтэнүүд хүч сорьж байна. Гэвч барилдааны нэгийн даваанд л томоохон сенсаац дэгдлээ.
Тус барилдааны нэгийн даваанд Улсын заан М.Лхагвагэрэл залуу бөх Сумын заан Д.Мөнхтулгад баруун тал дагуулан өвдөг шороодсон нь олон хүнийг гайхшруулав. Сумын заан Д.Мөнхтулга нь өмнө нь ч томоохон цолтнуудад аюул учруулж байсан туршлагатай. Тэрээр Монгол бахархлын өдөрт зориулсан барилдаанд Улсын аварга О.Хангай, Улсын арслан Ц.Бямба-Отгон нарыг давж, бөхийн хүрээнд нэлээд шуугиан тариад байсан билээ.
Энэ жилийн барилдаан маш ширүүн болж байна аа
Дараагийн барилдаан илүү сонирхолтой болох нь дээ