Хиймэл оюун ухаан (ХОУ) Америкийн Time сэтгүүлийн “Жилийн хүн” цолоор тодрох магадлалтай байна.
Mongolshow.biz-ийн мэдээлснээр, Polymarket бооцооны платформын таамагт ХОУ сонгогдох боломж 37 хувь гэж үнэлэгджээ. Үүний дараа Nvidia компанийн ерөнхий захирал, үүсгэн байгуулагч Жэнсэн Хуанг 17 хувь, Ромын Пап Лев XIV 15 хувь, OpenAI-ийн ерөнхий захирал Сэм Алтман 8 хувь, АНУ-ын ерөнхийлөгч Дональд Трамп 7 хувийн магадлалтайгаар бичигдсэн байна. Трамп 2024 онд Time-ийн “Жилийн хүн”-ээр нэрлэгдэж байсан.
Time нь АНУ-ын долоо хоног тутмын нийгэм, улс төрийн сэтгүүл юм. 1927 оноос эхлэн жил бүрийн 12-р сарын сүүлчийн (тайлангийн) дугаартаа тухайн оны “Жилийн хүн”-ийг зарлаж, нүүрэндээ зургыг нь нийтэлдэг уламжлалтай. Энэ цолыг олгох тодорхой хатуу шалгуур байдаггүй. Нийтлэг ойлголтоор бол тухайн жил нийгэмд хамгийн их нөлөө үзүүлсэн хүнийг (эсвэл үзэгдлийг) эерэг, сөрөгөөс үл хамааран сонгодог. “Жилийн хүн”-ийг сэтгүүлийн редакц урьдчилсан нэр дэвшигчдийг хэлэлцэж, дотоод санал солилцсоны дараа эцэслэн тодруулдаг. Анх энэ цол “Man of the Year” буюу “Жилийн хүн” гэж нэрлэгддэг байсан бол 1999 оноос “Person of the Year” буюу “Жилийн хүн/персона” гэж өөрчлөгдсөн. Гэхдээ орос хэлт хэвлэлүүдэд уламжлалаараа “Жилийн хүн” гэсэн нэршил хэрэглэсээр байна.
