Монгол Улсын Ерөнхийлөгчийн дэмжлэгтэйгээр зохион байгуулагдаж буй жүдо бөхийн “Улаанбаатар Их дуулга” тэмцээн өнөөдөр “AIC Степ Арена” ордонд эхлэх гэж байна. Олон улсын жүдо бөхийн холбооны албан ёсны хуанлид багтсан уг тэмцээнд 28 улсын 236 тамирчин хүч үзэх бөгөөд үүнд эрэгтэй ангилалд 142, эмэгтэй ангилалд 94 тамирчин багтаж байна.
Энэхүү Улаанбаатарын “Их дуулга” тэмцээнийг Монгол Улсын Ерөнхийлөгчийн Тамгын газар, Монгол Улсын Засгийн газар, Соёл, спорт, аялал жуулчлал, залуучуудын яам, Нийслэлийн Засаг даргын Тамгын газар, Олон улсын жүдо бөхийн холбоо, Монголын жүдо бөхийн холбоо, Улаанбаатар хотын хөгжлийн корпорац, Биеийн тамир, спортын улсын хороо зэрэг байгууллагууд хамтран зохион байгуулж байна.
Нээлтийн арга хэмжээнд Биеийн тамир, спортын улсын хорооны дарга Э.Билэгт, Олон улсын жүдо бөхийн холбооны Шүүгчдийн зөвлөлийн дарга Армен Багдасаров, Санхүүгийн ерөнхий захирал Насир Тамими, Спортын хариуцсан захирал Коосэй Иноэ, Монголын жүдо бөхийн холбооны ерөнхий нарийн бичгийн дарга Б.Батгэрэл зэрэг албаны хүмүүс оролцлоо.
Өнөөдрийн өрсөлдөөн 12:00 цагаас эрэгтэйчүүдийн -60 кг, -66 кг, эмэгтэйчүүдийн -48 кг, -52 кг, -57 кг жингийн ангиллаар эхлэх юм. Эрэгтэй -60 кг жинд БНСУ, Япон, Бахрайн, Узбекистан, Франц, Казахстан зэрэг улсын 20 жүдоч өрсөлдөх бөгөөд манай улсаас Э.Ариунболд, Э.Сумъяабазар, Б.Сүхбат, Н.Мэндсайхан нар хүч үзнэ. Эрэгтэй -66 кг жинд 25 жүдоч барилдах ажээ, манай улсаас Ё.Басхүү, Б.Эрхэмбаяр, Ө.Бямбасүрэн, Ө.Жанцандорж нар төлөөлөх болно. Эмэгтэй -48 кг жинд 12, -52 кг жинд 16, -57 кг жинд 14 жүдоч барилдахаар болжээ. Тэмцээний хэсгийн барилдаанууд 12:00 цагаас эхэлж, 17:00 цагаас финалын тулаанууд болно.
Өнөөдрийн гол ангиллууд:
- Эрэгтэй -60 кг: 20 жүдоч, Монголын тамирчид: Э.Ариунболд, Э.Сумъяабазар, Б.Сүхбат, Н.Мэндсайхан.
- Эрэгтэй -66 кг: 25 жүдоч, Монголын тамирчид: Ё.Басхүү, Б.Эрхэмбаяр, Ө.Бямбасүрэн, Ө.Жанцандорж.
- Эмэгтэй -48 кг: 12 жүдоч.
- Эмэгтэй -52 кг: 16 жүдоч.
- Эмэгтэй -57 кг: 14 жүдоч.
Мөн саяхан 2025 оны Улаанбаатарын Их дуулгын албан ёсны футболкыг гаргасан байна.
