Криптовалют Биткойн дахин нэгэн удаа түүхэн дээд үнийг давж, 118,000 ам.долларыг давлаа гэж Mongolnews24.com мэдээллээ. Binance биржийн арилжааны мэдээллээр, баасан гарагийн шөнө Биткойны ханш 116,069 доллар байсан бөгөөд энэ нь өмнөх өдрөөс 4%-иар өссөн үзүүлэлт юм.
Харин Баасан гарагийн 09:04 цагийн байдлаар Биткойн 118,090 долларт хүрч, түүхэн дээд ханш тогтоолоо. Сонирхолтой нь, Ethereum-ийн ханш ч мөн 7%-иар өсч 2965 доллар болжээ. Бусад криптовалютууд ч өсөлттэй байгаа аж.
Биткойны ханшийн өмнөх дээд амжилтууд:
5-р сард Биткойн 109,000 долларыг давсан нь тухайн үеийн спот ETF-үүдэд 3.6 тэрбум долларын цэвэр хөрөнгө орсон явдалтай холбоотой байв. Үүнээс өмнө, криптовалют хэдэн сарын дараа анх удаа 100,000 долларын босгыг давсан бөгөөд ганц өдрийн дотор 3%-иар өссөн байна.
Сүүлийн өдрүүдэд Биткойн тогтвортой өсөлт үзүүлж байгаа. 6-р сарын 10-нд ханш нь 111,000 долларт хүрч, түүнээс хойш ч өссөөр байна.
