БНСУ-ын ерөнхийлөгч асан Юн Сок Ёл-ийг 2025 оны 7-р сарын 9-ний өдөр Сөүл хотын шүүхээс цэргийн онц байдал зарласан хэрэгтэй холбогдуулан баривчлах шийдвэр гаргаж, хоёр дахь удаагаа баривчилсан байна.
Түүнийг шалгаж буй тусгай прокурорын багийн дарга Чо Юн Сок шүүхээс цагдан хорих зөвшөөрөл хүсэхдээ, ерөнхийлөгч асан нь баримт устгах эрсдэлтэй гэж үзсэн бөгөөд энэхүү хүсэлтийг Сөүлийн төв дүүргийн шүүхийн шүүгч Нам Сэ Жин хүлээн авч, баривчлах зөвшөөрөл олгосон байна.
Түүнийг баривчлах үндэслэл:
Прокурор Чо Юн Сокийн баг Юн Сок Ёлд холбогдуулан тав анхан шатны зүйл ангийг дэвшүүлж, баривчлах саналаа боловсруулжээ. Баривчлах сонсголд ерөнхийлөгч асан болон түүний өмгөөлөгч нар оролцож, эдгээр зүйл ангийг бүгдийг нь няцаасан ч шүүх түүнийг Сөүлийн цагдан хорих төв рүү тээвэрлэх шийдвэр гаргасан байна.
Үндсэн буруутгалууд:
Прокуроруудын мэдээлж буйгаар Юн Сок Ёл нь:
- 2024 оны 12-р сарын 3-ны дараа өөрийн үйлдлийг хууль ёсны мэт болгож харагдуулах зорилгоор хуурамч баримт бичиг үйлдсэн;
- Түүнчлэн тухайн үед Ерөнхий сайдаар ажиллаж байсан Хан Дог Су, Батлан хамгаалахын сайд Ким Ён Хюн нараар гарын үсэг зуруулсан зэрэг үйлдлүүдийг хэрэгт холбогдуулан шалгаж байна.
