Ухаалаг утас, онлайн банк, АТМ-д нэвтрэхэд ашигладаг дөрвөн оронтой нууц код таны бодсоноос хавьгүй сул хамгаалалттай байж болзошгүй. “Have I Been Pwned?” хэмээх алдартай мэдээллийн сангаас авсан 29 сая PIN кодын шинжилгээний үр дүнгээр, хүмүүсийн 10 хувь нь яг адилхан дөрвөн оронтой код ашигладаг болох нь тогтоогджээ.
Хүн бүрийн сонгодог PIN — 1234
1234 бол дэлхий даяар хамгийн өргөн хэрэглэгддэг нууц код юм. Хакеруудын хувьд энэ бол угаасаа хамгийн түрүүнд шалгах код. Мөн дараах давтагдсан код ч их давтагддаг:
- 0000, 1111, 2222, 4444 — ижил оронтой давталтууд
- 1212, 4321, 2580 — хялбар хээтэй буюу гар дээрх дараалал
- 1986, 2004, 2512 — төрсөн он сар өдөр шиг харагдах код
Хөгжилтэй нь, зарим нэг “тохиолдлын” жишээ ч баримтаар нотлогдсон. 2024 оны эхээр Их Британийн Кибер аюулгүй байдлын үндэсний төвийн хэвлэлийн хурлын түр нэвтрэх код нь 1234 байсан нь багагүй шүүмжлэл дагуулжээ.
Халдлагад өртөх эрсдэл өндөр
Хэрэв төхөөрөмжийн түгжээг нээх 5-хан оролдлого хакерт олгогдвол, нэгийг нь зөв таах магадлал 1/8 байх нь. Энэ нь PIN кодын сул талыг илтгэх төдийгүй, ерөнхий нууц үгийн асуудалтай холбоотой. “NordPass” сайтын тайланд 1234 нь 4 дүгээрт жагсаж байгаа нь “123456”, “admin”, “password”-ын дараа орж байна.
Google шинэ шийдэл танилцуулсан
Google-ийн зохион байгуулсан I/O 2025 бага хурал дээр Chrome хөтчийн шинэ боломж танилцуулагдсан. Одоо Chrome сул эсвэл алдагдсан нууц үгийг автоматаар сольж өгөх бололцоотой болсон. Тогтоогдсон сул нууц үгийг систем илрүүлбэл, шинэ, бат бөх нууц үг үүсгээд, өөрөө шинэчилнэ.
Та PIN кодоо өөрчлөөгүй л бол яг одоо шинэчлэх хэрэгтэй байж магадгүй.
