Дуучин Н.Ундрал уран бүтээлийнхээ шинэ алхам болгон “Сайхан ч юм даа Монгол хүн болж төрөх” нэртэй пянз гаргажээ. Тус пянз нь түүний нийтийн дууны уран бүтээлүүдийг нэг дор багтааснаараа онцлог бөгөөд энэ төрлөөр пянз гаргасан анхдагч уран бүтээлчдийн нэг болж байна.
Пянзны нэрийг Н.Ундралын олонд хүрсэн “Сайхан ч юм даа Монгол хүн болж төрөх” дуугаар нэрлэсэн байна.
Есөн дуу багтжээ
Шинэ пянзанд нийт есөн уран бүтээл багтсан бөгөөд тэдгээрийн дунд “Уудам Монгол”, “Ээжийнхээ ачийг яалаа даа”, “Харц”, “Сайхан Монгол бүсгүй” зэрэг дуунууд оржээ.
Ийнхүү Н.Ундрал өөрийн урын сангийн бүтээлүүдийг пянз хэлбэрээр сонсогчдод хүргэж, уран бүтээлийнхээ нэгэн шинэ форматыг танилцууллаа.
Анхны бие даасан тоглолтоо аравдугаар сарын 17-нд хийнэ
Дуучин Н.Ундрал мөн “Сайхан ч юм даа” нэртэй анхны бие даасан тоглолтоо хийхээр бэлтгэж байгаа юм. Тоглолт аравдугаар сарын 17-ны 19:00 цагаас “АСА арена”-д болохоор товлогджээ.
Ийнхүү анхны бие даасан тоглолтынхоо өмнө тэрбээр есөн дуу багтаасан пянзаа үзэгч, сонсогчдодоо хүргээд байна.
