Азийн 11 улсын уран бүтээлчид өрсөлдсөн “Eurovision Song Contest Asia” олон улсын хөгжмийн наадамд Монгол Улсыг төлөөлөн оролцсон дуучин Г.Мөнхбаяр буюу Бэк нийт 94 оноо авч, наймдугаар байр эзэлжээ.
Европын хөгжмийн алдарт “Eurovision” наадмыг зохион байгуулдаг Европын өргөн нэвтрүүлгийн холбоо (European Broadcasting Union) үйл ажиллагаагаа Ази тивд өргөжүүлж, тус тэмцээнийг анх удаа зохион байгуулсан байна.
Наадмын санал хураалтыг Европын “Eurovision” тэмцээний жишгээр явуулжээ. Нийт үнэлгээний 50 хувийг үзэгчдийн санал, үлдсэн 50 хувийг оролцогч 11 улсын шүүгчдийн үнэлгээгээр тооцож, дэлхийн бусад орны үзэгчдийн нэмэлт оноог нэгтгэсэн байна.
Ингэснээр Филиппин улс 211 оноогоор тэргүүлж, Тайланд 170, Вьетнам 164 оноогоор эхний гурван байрт шалгарчээ.

“Eurovision Song Contest Asia” наадмын эцсийн дүн
| Байр | Улс | Оноо |
|---|---|---|
| 1 | Филиппин | 211 |
| 2 | Тайланд | 170 |
| 3 | Вьетнам | 164 |
| 4 | Малайз | 152 |
| 5 | Лаос | 139 |
| 6 | Бутан | 126 |
| 7 | БНСУ | 113 |
| 8 | Монгол | 94 |
| 9 | Балба | 69 |
| 10 | Камбож | 61 |
| 11 | Бангладеш | 35 |
