Японы баруун өмнөд хэсэгт үүсээд буй хар салхины хурд цагт 144 километрт хүрсэнтэй холбогдуулан тус улсын цаг уурын байгууллагаас ширүүн салхи, аадар бороо, үерийн аюулын анхааруулга гаргаад байна. Үүнтэй холбогдуулан МИАТ ТӨХК-ийн зүгээс нислэгийн аюулгүй ажиллагааг хангах үүднээс наймдугаар сарын 11 болон 12-ны өдрүүдэд хийгдэх зарим нислэгийн цагийн хуваарьт өөрчлөлт оруулснаа мэдэгдлээ.
Нислэгийн шинэчилсэн цагийн хуваарь:
- OM509 (Улаанбаатар – Нарита): Чингис хаан ОУНБ-аас 05:00 цагт хөөрч, Наритад 09:55 цагт бууна.
- OM510 (Нарита – Улаанбаатар): Наритагаас орон нутгийн цагаар 10:55 цагт хөөрч, Улаанбаатарт 16:30 цагт бууна.
- OM303 (Улаанбаатар – Инчеон): Чингис хаан ОУНБ-аас 17:30 цагт хөөрч, Инчеонд 20:40 цагт бууна.
- OM304 (Инчеон – Улаанбаатар): Инчеоноос орон нутгийн цагаар 21:40 цагт хөөрч, Улаанбаатарт 01:20 цагт бууна.
Иймд зорчигчдыг нислэгийн цагийн өөрчлөлтийг сайн нягталж, хуваарийн дагуу зорчихыг анхааруулж байна.
