Хөнгөн атлетикийн 2026 оны насанд хүрэгчдийн улсын аварга шалгаруулах тэмцээн долоодугаар сарын 26–27-ны өдрүүдэд Улаанбаатар хотын Налайх дүүрэгт амжилттай зохион байгуулагдлаа. Тус тэмцээнд Монгол Улсын Боловсролын Их Сургуулийн (МУБИС) Биеийн тамирын сургуулийн найман оюутан тамирчин оролцож, нийт 17 алт, 6 мөнгө, 3 хүрэл медаль хүртэн багаараа өндөр амжилт үзүүллээ.
Тэмцээний үеэр сургуулийнхаа болон улсынхаа рекордыг шинэчлэн тогтоож, амжилттай оролцсон оюутнуудын үзүүлэлтийг танилцуулж байна.
Оюутан тамирчдын гаргасан амжилтууд
- С.Идэрхүү (Багш, биеийн тамирын боловсролын 2-р курс): 200м болон 400м-ийн зайд “U20 national record” буюу улсын рекордыг шинэчлэн замаа алтан медалиар зассан бөгөөд 4х100м-т Алт, 4х400м-ийн буухианд Мөнгөн медаль хүртэв.
- Ц.Мөнххэрлэн (2026 оны төгсөгч): 200м, 400м, 4х100м, 4х400м-ийн зайнуудад тус тус манлайлж, 4 алтан медалийн эзэн болов.
- Д.Отгон-Эрдэнэ (4-р курс): 100м, 4х100м болон 4х400м-ийн төрлүүдэд хурд хүчээ сорин 3 алтан медаль хүртэв.
- Э.Хонгорзул (4-р курс): 800м, 4х100м, 4х400м-т Алт, 400м-ийн зайд Хүрэл медаль хүртэж, нийт 4 медаль цуглуулав.
- С.Батзориг (2-р курс): 4х400м болон Холимог (Mixed) 4х400м-ийн буухиа гүйлтэд Алт, 200м ба 400м-ийн зайд Мөнгөн медаль хүртлээ.
- Б.Сувд-Эрдэнэ (4-р курс): 4х100м-ийн буухиад Алт, уртын харайлт болон өндрийн харайлтын төрөлд тус тус Мөнгөн медаль авав.
- Б.Мөнгөнхуяг (3-р курс): 4х400м-ийн буухиад Алт, 400м-ийн зайд Хүрэл медаль хүртсэн байна.
- Золжаргал (1-р курс): 4х400м-ийн буухиа гүйлтэд Мөнгө, 4х100м-ийн буухиад Хүрэл медалийн эзэн боллоо.
МУБИС-ийн багш, оюутнуудын энэхүү бахдам амжилт нь тус сургуулийн биеийн тамирын сургалт болон тамирчдын бэлтгэл сургуулилалт ямар түвшинд байгааг дахин нэг удаа батлан харууллаа.
