Монголын кибер спортын The MongolZ баг тоглогч Азбаяр «Senzu» Мөнхболдын гэрээг цуцлах төлбөрийг (buyout) хэт өндөр тогтоосон байна.
FUT Esports багийн менежер Натан «Garrixer» Клорекийн мэдээлснээр, түүний гэрээг чөлөөлөх дүн «зургаан оронтой тоогоор» хэмжигдэж байгаа бөгөөд энэ нь 100,000 ам.доллароос илүү нэг сая ам.долларт дөхөж очих дүн гэнэ. «Яг ийм шалтгааны улмаас олон багууд тоглогчийг шууд худалдаж авахаас татгалзаж, зээлээр тоглуулах хувилбарыг илүүд үзэж байна» хэмээн менежер онцолжээ.
Түүний хэлснээр, Senzu-гийн ур чадвар болон ирээдүйн нөөц бололцоо өндөр байгаа хэдий ч гэрээ цуцлах төлбөр хэт өндөр байгаа нь бусад байгууллагуудын сонирхлыг ихээхэн хязгаарлаж байгаа аж. Одоогийн нөхцөл байдалд түүнийг сонирхож буй багуудын хувьд зээлээр тоглуулах нь хамгийн бодит боломж болоод байна.
Саяхан BC.Game Esports баг Counter-Strike 2-ын бүрэлдэхүүнээ шинэчилж, Senzu-г багтаа авснаа албан ёсоор зарласан. Тэрээр сүүлийн долоо хоногуудад Passion UA багт зээлээр тоглож байсан бол шинэ багтаа мөн адил зээлийн гэрээгээр шилжин иржээ.
Өдгөө 19 настай Senzu нь 2022 он болон 2023-2025 оны хооронд 1xBet Mongolia-ийн дэмжлэгтэйгээр The Mongolz багт тоглож байсан. Өнгөрсөн оны аравдугаар сард түүнийг үндсэн бүрэлдэхүүнээс хасаж (inactive), улмаар хоёрдугаар сарын 13-нд Passion UA багтай гэрээ байгуулж байсан юм.
