Цахим спортын “Counter-Strike 2” төрлөөр дэлхийд данстай “The MongolZ” баг ирэх тавдугаар сард болох “CS Asia Championships 2026” тэмцээнд оролцох урилга хүлээн авлаа. Зохион байгуулагчид тэмцээний чанар, өрсөлдөөнийг хадгалах үүднээс дэлхийн чансаа өндөр 16 багийг шууд урьсны нэг нь манай улсын баг болж байна.
“CS Asia Championships 2026” тэмцээн БНХАУ-ын Шанхай хотноо тавдугаар сарын 20-ноос 24-ний өдрүүдэд зохион байгуулагдахаар товлогджээ. Тэмцээний нийт шагналын сан 1 сая ам.доллар бөгөөд шилдэг багууд аваргын цом болон өндөр шагналын төлөө оюун ухаан, хурд хүчээ сорих юм.
Оролцох багуудын жагсаалт
Тэмцээнд уригдсан 16 багийн бүрэлдэхүүнд дэлхийн өнцөг булан бүрээс шилдэгүүд цугларч байна. Үүнд:
- PARIVISION, Falcons, MOUZ
- The MongolZ, Liquid, B8
- 3DMAX, Legacy, NRG
- paiN, M80, BC.Game
- MIBR, Lynn Vision, TYLOO
- Ninjas in Pyjamas (Оролцогчдын бүрэлдэхүүнд шинээр нэгдсэн)
Багуудын бүрэлдэхүүнд орсон өөрчлөлт
Тэмцээн эхлэхээс өмнө оролцогч багуудын бүрэлдэхүүнд нэгэн томоохон өөрчлөлт орсон байна. Тодруулбал, Сербийн “Aurora Gaming” баг визийн асуудлын улмаас Шанхайг зорих боломжгүй болжээ. Иймд зохион байгуулагчид тэдний оронд Шведийн алдарт “Ninjas in Pyjamas” багийг нөхөн урьж, тэмцээнийг бүрэн бүрэлдэхүүнтэй явуулахаар шийдвэрлэсэн байна.
“The MongolZ” багийн хувьд энэ нь өөрсдийн чансааг бататгах, Азийн бүс нутагт төдийгүй дэлхийд тэргүүлэгч болохоо батлах ээлжит томоохон сорилт болох юм. Энэ удаагийн тэмцээнд “The MongolZ” баг 1xBet Монголын дэмжлэгтэйгээр оролцож байна.
