Кенийн тамирчин Агнес Нгетич зөвхөн эмэгтэйчүүд оролцсон, эрэгтэй пейсмейкергүй хагас марафоны уралдаанд дэлхийн рекордыг шинэчиллээ. Тэрээр Копенгагенд болсон авто замын гүйлтийн дэлхийн аварга шалгаруулах тэмцээнд энэ амжилтыг үзүүлэв.
Нгетич 21.1 км-ийн зайг 1 цаг 5 минут 15 секундэд туулжээ. Өмнөх дээд амжилтыг түүний нутаг нэгт Перес Джепчирчир 2020 оны 10-р сарын 17-нд 1:05.16 амжилтаар тогтоож байсан юм.
Пейсмейкер гэдэг нь дунд болон холын зайн гүйлтэд, 800 метрээс эхлэн, уралдааны тодорхой хэсэгт тэргүүлж гүйх замаар бусад тамирчны хэмнэлийг тогтоодог гүйгчийг хэлнэ.
Нгетич 25 настай. Тэрээр 2024 оны 1-р сард Валенсиад болсон холимог гараатай 10 км-ийн уралдаанд 28.46 амжилт үзүүлж, авто зам болон цэнгэлдэх хүрээлэнгийн 10 км-ийн зайг 29 минутаас бага хугацаанд туулсан түүхэн дэх анхны эмэгтэй болсон. 2025 оны 4-р сард Нгетич зөвхөн эмэгтэйчүүдийн 10 км-ийн уралдаанд 29.27 амжилтаар дэлхийн рекорд тогтоожээ.
