Испанийн Авила мужид орсон хүчтэй борооны улмаас хоёр сар гаруй үргэлжилсэн түймрийн үнс гол, горхи руу урсан орж, ус нь хар өнгөтэй болжээ. Энэ талаар ABC сонин мэдээлэв.
“Авилад сүүлийн үед орсон бороо Бургохондогийн түймрийг эцэст нь унтраахад тусаллаа. Түймэр гарснаас хойш хоёр сар гаруйн дараа буюу энэ бямба гарагт [10-р сарын 3-нд] хяналтад орсон. Гэвч хур тунадас маш их байсан тул нутгийн иргэдийн болгоомжилж байсанчлан 37 800 гаруй га талбайг хамарсан түймрийн үнс урсан орж, гол, горхи хар өнгөтэй болжээ. Энэ нь Кастили-Леонд албан ёсны бүртгэл хөтөлж эхэлснээс хойших хамгийн том ойн түймэр юм” гэж нийтлэлд дурджээ.
Ундны усны хангамжид асуудал үүсэж болзошгүй тул Авилагийн таван муниципалитетад ундны ус хүргэж эхэлсэн байна.
Үүнээс гадна Кастили-Леоны Иргэний хамгаалалтын агентлагийн мэдээлснээр, хүчтэй борооны улмаас өөр нэг асуудал үүсжээ. Голууд үерлэж, олон газарт осол, хүндрэл гарч байгаа бөгөөд ялангуяа Касавьеха, Момбельтран, Эль-Баррако муниципалитетад нөхцөл байдал хүндэрсэн байна.
