2026-2027 оны хичээлийн жилээс ерөнхий боловсролын сургуулиуд дөрвөн улирлын бүтэцтэй хичээллэж эхэлсэн. Боловсролын яамнаас баталсан хуваарийн дагуу нэгдүгээр улирал есөн долоо хоног үргэлжилж, аравдугаар сарын 30-нд дуусах юм.
Үүний дараа сурагчид нэг долоо хоног амарч, хоёрдугаар улирлын хичээл арваннэгдүгээр сарын 9-нөөс эхэлнэ.
Хичээлийн жилийн дөрвөн улирлын хуваарь
Боловсролын яамны мэдээллээр 2026-2027 оны хичээлийн жилийн үндсэн хуваарь дараах байдалтай байна.
- I улирал: Есдүгээр сарын 1-нээс аравдугаар сарын 30 хүртэл, 9 долоо хоног
- II улирал: Арваннэгдүгээр сарын 9-нөөс арванхоёрдугаар сарын 25 хүртэл, 7 долоо хоног
- III улирал: Бага, дунд анги нэгдүгээр сарын 16-наас гуравдугаар сарын 19 хүртэл; ахлах анги нэгдүгээр сарын 11-нээс гуравдугаар сарын 19 хүртэл
- IV улирал: Бага анги гуравдугаар сарын 29-нөөс тавдугаар сарын 28 хүртэл; дунд, ахлах анги гуравдугаар сарын 29-нөөс зургаадугаар сарын 4 хүртэл хичээллэнэ
Ийнхүү шинэ бүтцээр сурагчдын хичээл, амралтын хугацааг дөрвөн улиралд хуваан зохион байгуулж байгаа бөгөөд эхний улирлын амралт аравдугаар сарын сүүлчээс эхлэхээр байна.
