Супермодель Синди Кроуфорд болон бизнесмэн Рэнди Гербер нарын хүү Пресли Гербер 27 насандаа таалал төгссөн тухай “Daily Star” мэдээллээ. Лос-Анжелес мужийн шүүх эмнэлгийн шинжилгээний албаны мэдээлснээр тэрээр 9 дүгээр сарын 20-нд сэргээн засах төвд нас барсан бөгөөд үхлийн шалтгаан одоогоор тодорхойгүй, задлан шинжилгээ дуусаагүй байгаа аж. Гэр бүлийн төлөөлөгч түүний нас барсныг баталж, энэхүү хүнд цаг үед тэдний хувийн орон зайг хүндэтгэхийг хүссэн байна.
Загварын карьер ба сэтгэцийн эрүүл мэнд
Пресли өсвөр наснаасаа загварын карьераа эхлүүлэн, дэлхийн алдартай брэндүүдийн загварын шоунд оролцож байсан бөгөөд түүний эмэгтэй дүү Кайя Гербер мөн загвар өмсөгч, жүжигчин юм. Тэрээр сүүлийн жилүүдэд сэтгэцийн эрүүл мэнд, депресс, сэтгэцийн хямрал болон донтолтын асуудлынхаа талаар илэн далангүй ярьж, ижил асуудалтай тулгарсан хүмүүст туслахыг хичээж байжээ.
