Цахим спортын Counter-Strike 2 (CS2) төрлийн дэлхийн чансааг тодорхойлох нэгдүгээр зэрэглэлийн “PGL Astana 2026” тэмцээн Казахстаны нийслэлд амжилттай үргэлжилж байна. Өнгөрөгч Бямба гарагт (2026.05.09) нээлтээ хийсэн тус тэмцээний хамгийн хариуцлагатай мөч ирж, Монголын “The MongolZ” баг өнөөдөр шийдвэрлэх тоглолтоо хийхээр боллоо.
Нийт 1.6 сая ам.долларын шагналын сантай тус тэмцээнд дэлхийн шилдэг 16 баг урилгаар болон эрхээ аван оролцож байгаа юм. Тэмцээний дүрмийн дагуу багууд тойргийн журмаар өрсөлдөж, шилдэг найман баг шигшээ шат буюу плей-оффын (Playoffs) шатанд шалгарах эрхээ авна.
“The MongolZ” багийн хувьд өнөөдөр буюу тавдугаар сарын 13-ны 19:00 цагаас “Aurora” багийн эсрэг плей-оффын эрхийн төлөөх шийдвэрлэх тулаанаа хийнэ. Хоёр баг хоёулаа одоогоор 2 хожил, 2 хожигдолтой яваа бөгөөд өнөөдрийн тоглолтод хожсон нь тэмцээнээ үргэлжлүүлэх бол хожигдсон нь тэмцээнээ өндөрлүүлэх юм.
Сонирхолтой нь, 1xBet хоёр багийн албан ёсны ивээн тэтгэгч бөгөөд энэ нь тоглолтод сонирхол төрүүлж байна.
