Монголын ноос ноолуурын холбооноос малчдын гар дээрээс худалдан авч буй ноолуурын зах зээлийн үнийн талаарх шинэчилсэн мэдээллийг танилцууллаа. Энэ жилийн хувьд ноолуурын ханш бүс нутгийн онцлог болон түүхий эдийн чанараас хамааран нэг килограмм нь 175 мянгаас 209 мянган төгрөгийн хооронд хэлбэлзэж байна.
Салбарын холбооны мэдээлснээр аймгуудад тогтоод буй одоогийн ханшийн дэлгэрэнгүйг хүргэе:
- Архангай аймаг: 203,000 – 209,000 төгрөг
- Хөвсгөл аймаг: 205,000 – 208,000 төгрөг
- Завхан аймаг: 200,000 – 206,000 төгрөг
- Төв аймаг: 188,000 – 199,000 төгрөг
- Баянхонгор аймаг: 180,000 – 198,000 төгрөг
- Ховд аймаг: 175,000 – 180,000 төгрөг
Дээрх статистик мэдээллээс харахад Архангай болон Хөвсгөл аймгуудад ноолуурын үнэ хамгийн өндөр буюу 209 мянган төгрөгт хүрээд байгаа бол Ховд аймагт харьцангуй доогуур тогтжээ. Цаашид зах зээлийн эрэлт, нийлүүлэлтээс шалтгаалан үнэ өөрчлөгдөх магадлалтайг мэргэжилтнүүд онцолж байна.
