Английн Ливерпүүл хотод 2025 оны 9-р сарын 4-14-ний хооронд болох боксын дэлхийн аварга шалгаруулах тэмцээнд 66 орноос 540 тамирчин өрсөлдөхөөр бэлтгэлээ хангаж байна. Энэ удаагийн тэмцээнд “Парис-2024” олимпоос медаль хүртсэн 17 боксчин оролцоно. Монголын хувьд 10 тамирчин рингэнд гарахаас гурван тамирчин нь дэлхийн медальтан юм.
2025 оны 9-р сарын 5-нд ДАШТ-ий хүрэл медальт М.Энхжаргал Монголын тамирчдын салхийг хагалж, рингэнд гарах болно.
М.Энхжаргалын оноолт ба амжилт:
- Жингийн ангилал: 57 кг
- Эхний тулаан: Австрийн Жули Рамадантай
- Түүхэн амжилт:
- Эмэгтэйчүүдийн боксын ДАШТ-ээс хүрэл медаль хүртсэн Монголын гурван тамирчны нэг (М.Нандинцэцэг анхны медаль, Л.Алтанцэцэг анхны мөнгөн медаль авчирсан).
- “Парис-2024” олимпод оролцсон Монголын анхны эмэгтэй боксчин.
- Олимпын үеэр дэлхийн медальт хоёр тамирчныг ялж, Монголын эмэгтэй боксчдоос анх удаа олимпоос хожил авсан.
- Хүрэл медалийн төлөө дэлхийн аварга тамирчинтай өрсөлдсөн.
- Өсвөрийн ДАШТ-ий хүрэл медальт, залуучуудын Азийн аварга.
М.Энхжаргалын энэ удаагийн тоглоом Монголын боксын түүхэнд шинэ амжилт авчирч болзошгүй бөгөөд түүний тулаан Ливерпүүлийн рингэн дээр онцгой анхаарал татна.
Монголын тулаанчийг ингэж олон улсад харна гэдэг бахархмаар байна
Энхжаргалд амжилт хүсье, бүх монголчууд дэмжинэ