Италийн Ливиньо хотод зохион байгуулагдаж буй 2026 оны Өвлийн Олимпын наадмын фристайлын эрэгтэйчүүдийн “хафпайп” төрлийн сонгон шалгаруулалт цаг агаарын нөхцөл байдлын улмаас тодорхойгүй хугацаагаар хойшлогдлоо. Их хэмжээний цас орсны улмаас тамирчдын аюулгүй байдлыг хангах үүднээс зохион байгуулагчид ийм шийдвэр гаргасан байна.
Уг тэмцээн Бакугийн цагаар 13:30-д эхлэх хуваарьтай байсан боловч одоогоор зохион байгуулагчид шинэ тов болон цагийг өнөөдөртөө багтаан зарлахаа мэдэгдээд байна. Хэдийгээр урьдчилсан шат хойшлогдсон ч “хафпайп” төрлийн шийдвэрлэх финалын шат 2 дүгээр сарын 20-ны өдөр зохион байгуулагдах ерөнхий төлөвлөгөө хэвээр байгаа юм.
Итали улсад зохион байгуулагдаж буй 25 дахь удаагийн Өвлийн Олимпын наадам ирэх ням гараг буюу 2 дүгээр сарын 22-ны өдөр албан ёсоор хаалтаа хийнэ. Одоогоор Ливиньо дахь цаг агаарын байдлыг зохион байгуулагчид анхааралтай ажиглаж байгаа бөгөөд бусад төрлийн тэмцээнүүдийн хуваарьт өөрчлөлт орох эсэхийг тухайн бүрт нь мэдээлэх ажээ.
Ийм том тэмцээн саатсан нь харамсалтай байна. Тамирчдад амжилт хүсье
Цаг агаар нөлөөлсөн байх. Аюулгүй байдал хамгийн чухал шүү